Նոյեմբերի 18-ին Հայաստանի ամերիկյան համալսարանում կանցկացվի դասախոսություն «Միջուկային տեխնոլոգիաների փոխանցումներն աշխարհում

և դրա հետևանքները կովկասյան տարածաշրջանի համար» խորագրով։ Դասախոսությունը վարելու է ԱՄՆ-ի Ջորջթաունի համալսարանի պրոֆեսոր և ԱՄՆ Պաշտպանության նախարարության հատուկ խորհրդատու Դր. Մեթյու Քրոնիգը։

Դր. Քրոնիգը կանդրադառնա միջուկային նյութերի ու տեխնոլոգիաների պատմականորեն կարևոր ու վտագավոր փոխանցումներին, որոնք տեղ են գտել նրա հեղինակած վերջին` «Արտահանելով ռումբ» վերնագրով գրքում: Նա պնդում է, որ միջուկային աջակցություն տրամադրելու պետական որոշումները համաձայնեցված ռազմավարական տրամաբանության արդյունք են:

Նա քննության կառնի միջուկային փոխանցումների առավել կարևոր պատմական դեպքերը, ներառյալ 1950-ական և 1960-ական թթ. Ֆրանսիայի միջուկային աջակցությունը Իսրայելին, Խորհրդային Միության 1958-1960թթ. փոխանցումները Չինաստանին, Չինաստանի միջուկային օգնությունը Պակիստանին և Պակիստանի կողմից վերջերս իրականացված տեխնոլոգիական փոխանցումները: Դր. Քրոնիգը նաև կներկայացնի կովկասյան տարածաշրջանում միջուկային անօրինական փոխանցումների վերաբերյալ իր հետազոտության արդյունքները:

Դասախոսությունը նախատեսված է հետազոտողների, գիտնականների, պետական պաշտոնյաների, ՀԿ առաջնորդների և ուսանողների համար:

Դասախոսությունը կանցկացվի անգլերեն ` հայերենի համընթաց թարգմանությամբ։ Դասախոսությունը նախաձեռնել է Հետազոտական Ռեսուրսների Կովկասյան Կենտրոններ Եվրասիա համագործակցության հիմնադրամի ծրագիրը՝ Հայաստանի Ամերիկյան և Երևանի պետական համալսարանների հետ համատեղ։

Մասնակցելու համար անհրաժեշտ է նախօրոք տեղեկացնել կազմակերպիչներին։