Նոյեմբերի 4-ին Աղվերանում բացվել է «Հրապարակայնությունը եւ հաշվետվողականությունը Բոլոնիայի գործընթացի կարեւոր սկզբունքներ» սեմինար-քննարկումը, որը կազմակերպվել է ԶԼՄ-ների ներկայացուցիչների համար կրթության ու գիտության նախարարության կողմից: «Այսօր սկիզբ է դրվում կարևոր ու աննախադեպ մի ծրագրի»,-հայտարարեց ՀՀ կրթության ու գիտության նախարար Արմեն Աշոտյանը՝ բացելով սեմինարը: Կրթական ոլորտում բարեփոխումների հաջող ընթացքի համար Արմեն Աշոտյանը կարևորում է համագործակցությունը հանրության ու ԶԼՄ-ների միջև:
Աշոտյանը հայտարարել է, որ իր գլխավորած նախարարությունը կարևորում է հանրության հետ հետադարձ կապի հաստատումը: Նա հիշեցրել է, որ UNDP-ն այս տարի կրթության նախարարությունը ճանաչել է Հայաստանի ամենաթափանցիկ կառույցը և հավելել է, որ նախարարությունը կշարունակի աշխատանքն այդ ուղղությամբ:
Աշոտյանը հույս է հայտնել որ սեմինարը կօգնի լրագրողներին ավելի իրազեկ լինել կրթական ոլորտի խնդիրներին: Սեմինարն աշխատանքը կավարտի նոյեմբերի 6-ին:
