Ադրբեջանի խորհրդարանի խոսնակ Օքտայ Ասադովը Ֆրանսիայի Ազգային ժողովի որոշումը չմտածված և թույլ քաղաքականության արդյունք է համարել:
«Այդ քայլը Թուրքիայի դեմ չէ ուղղված, այն առաջին հերթին ուղղված է Ֆրանսիայի դեմ: «Կցանկանայի հավատալ, որ Ֆրանսիայի նախագահը չի հաստատի Ազգային ժողովի որոշումը»,-ասել է Ադրբեջանի միլի մեջլիսի խոսնակ Օքտայ Ասադովը: Դեկտեմբերի 22-ին Հայոց ցեղասպանության ժխտումը քրեականացնող օրինագիծն ընդունվեց Ֆրանսիայի Ազգային Ժողովում: Օրինագիծը Հայոց ցեղասպանության ժխտման համար նախատեսում է 1 տարվա ազատազրկում և 45 հազար եվրոյի չափով տուգանք:
Փարիզում Թուրքիայի դեսպանն այսօր ընտանիքի հետ վերադարձել է Թուրքիա: Նա ետ է կանչվել անորոշ ժամանակով: Մինչ այդ Թուրքիան մտադրություն էր հայտնել Ֆրանսիայի հետ կապերը ժամանակավորապես կասեցնելու վերաբերյալ քաղաքական, ռազմական ու տնտեսական ոլորտներում:
