Ամանօրի նախօրեին Հայաստանի զբոսաշրջության ազգային կոմիտեի կազմակերպիչները քննարկել են իրականացրած աշխատանքները, ինչպես նաև իրենց առջև նոր ծրագրեր են դրել կոմիտեի հերթական նիստում:
Նիստի ընթացքում տրվել է իրականացված աշխատանքների վերլուծությունը և մշակվել կազմակերպության հետագա տարեկան ծրագրերեը: Բացի այդ, կոմիտեի նախագահի կողմից պատվոգրերով պարգևատրվել են այն աշխատակիցները, ովքեր 2011թ աչքի են ընկել զբոսաշրջության ոլորտում: Զբոսաշրջության զարգացման և աշխատանքում դրսևորած էնտուզիազմի համար պարգևատրվել են հետևյալ գիդ-էքսկուրսավարները` Գասպար Երիցյանը, Տիգրան Խաչատրյանը, Կարինե Ջիլավյանը և Կարինե Դանիելյանը:
Նիստի ամփոփումը եղել է այն, որ արդեն 2012թ մարտին կկազմակերպվի «Զբոսաշրջության ակտուալ խնդիրները և դրանց լուծման եղանակները» թեմայով կոնֆերանս, հաղորդում է կոմիտեի մամուլի ծառայությունը: Նախագահ Դավիթ Խաչատրյան խոսքով, կոնֆերանսը հանդիսանալու է կոմիտեի հետագա ելակետը:
