Orange-ի խանութներում կներդրվի նոր էլեկտրոնային գործիք
Այսօրվանից Orange-ի խանութներից 10-ում կներդրվի նոր էլեկտրոնային գործիք, որը կհեշտացնի և կհամակարգի բաժանորդների սպասարկումը։ Այս մասին տեղեկացնում են ընկերության մամլո ծառայությունից։
Նոր էլեկտրոնային գործիքը հնարավորություն է տալիս կարճ ու արագ հարց-պատասխանների միջոցով բացահայտել հաճախորդի կարիքները` հիմնվելով վերջինիս հեռահաղորդակցային սովորությունների, հիմնական կոնտակտների, ամսական նախատեսված միջին ծախսի և այլ գործոնների վրա: Այս տվյալները լրացնելուց հետո համակարգն առաջարկում է ամենահարմար տարբերակը բաժանորդի համար, ինչպես նաև գտնում է վերջինիս կարիքներին ամենահամապատասխան մոդելի հեռախոսը։ Այս գործիքը մոտակա շաբաթների ընթացքում կկիրառվի բոլոր խանութներում:
