«Ազատ դեմոկրատներ» ընդդիմադիր կուսակցության փոխնախագահ Անուշ Սեդրակյանը PanARMENIAN.Net-ին թղթակցին հաստատել է, որ կուսակցության համագումարը մարտի 11-ից տեղափոխվել է մարտի 16: Միաժամանակ նա բացատրել է տեղափոխման պատճառը բացառապես տեխնիկական պատճառներով, հերքելով այն ենթադրությունները, որ դա կապված է «Ժառանգություն» կուսակցության հետ միության վերաբերյալ տարաձայնությունների հետ:

Ինչ վերաբերվում է այն հարցին, թե ինչու են «Ժառանգության» ներկայացուցիչները հերքել տեղեկատվությունն այն մասին, որ երկու կուսակցությունների միջև պայմանավորվածություն է ձեռք բերվել գալիք ընտրություններում միության մասին, ապա Սեդրակյանը նշել է. «Ոչ ոք չի հայտարարել միության մասին, մենք ասել ենք, որ ընթանում են բանակցություններ, և կուսակցություններից ոչ մեկը միանշանակ չի հայտարարել, որ արդեն կնքվել է միություն»:

Այն հիշեցմանը, որ մարտի 2-ին կայացած «Ժառանգության» համագումարում «Ազատ դեմոկրատների» անդամ Արթուր Զուրաբյանը հայտարարել է լրագրողներին, որ երկու կուսակցությունն էլ մասնակցելու են կայանալիք ընտրություններին մեկ միության կազմում և մնացել է միայն ձևակերպել այն, Սեդրակյանը պատասխանել է. «Նա ուղղակի ասել է հնարավոր ելքերից մեկի մասին»: