Ֆուկուսիմա պրեֆեկտուրայի բնակիչները, ովքեր հնարավորություն չեն ունենա վերադառնալ իրենց տները գալիք հինգ տարիների ընթացքում ռադիոակտիվ հողի ապաակտիվացման պատճառով, դրա համար կստանան 70 հազար դոլար փախհատուցում:

Այդ գումարը պետք է մասամբ փոխհատուցի բարոյական վնասը, որը կրում են մարդիկ: Բացի դրանից, Ճապոնիայի կառավարությունը կվճարի «չվերադարձողներին» իրենց անշարժ գույքի արժեքը, որը նրանք ստիպված են եղել լքել Ֆուկուսիմա պրեֆեկտուրայում:

Փորձագետների տվյալներով, Ճապոնիան շուրջ 13 մլրդ դոլար կծախսի երկրի տարածքը «Ֆուկուսիմա 1» ԱԷԿ-ի վթարի հետևանքներից մաքրելու համար: